एमाले स्थायी कमिटी बैठक मङ्गलवार बस्ने

काठमाडौँ ।  नेकपा (एमाले) को स्थायी कमिटी बैठक मङ्गलवार बस्ने भएको छ । 

सो बैठकमा मध्यमार्गी पक्षमा रहेका नेताहरू पनि उपस्थित हुने जनाइएको छ । 

विगतमा वरिष्ठ नेता माधवकुमार नेपाल पक्षमा खुलेका भए पनि हाल एमालेमै रहेका उपाध्यक्ष डा भीम रावललगायतका नेता र अध्यक्ष केपी शर्मा ओलीबीच आज भएको छलफलमा स्थायी कमिटी बैठक गरी पार्टीलाई गतिशील बनाउने सहमति भएको हो । 

उहाँहरुबीच गत असार २७ मा भएको १० बुँदे सहमतिबमोजिम अघि बढ्ने समझदारी बनेको बताइएको छ । 

एमालेका केन्द्रीय कार्यालय सचिव शेरबहादुर तामाङले मङ्गलवार ११:०० बजेका लागि च्यासलस्थित तुल्सीलाल स्मृति भवनमा बैठक बस्ने तय भएको जानकारी दिनुभयो ।