पाल्पामा थप ८५ जना कोरोना सङ्क्रमित निको

पाल्पा । पाल्पामा शनिबार थप ८५ जना कोरोना सङ्क्रमित निको भएका छन् । निको हुनेमा ४४ जना महिला र ४१ जना पुरुष रहेको स्वास्थ्य कार्यालय पाल्पाले जनाएको छ । 

निको हुनेमा माथागढी गाउँपालिकाका २५, रामपुर नगरपालिकाका १३, रिब्दिकोट, रम्भा र पूर्बखोला गाउँपालिकाका ४–४, रैनादेबी छहरा गाउँपालिकाका ५, बगनासकाली गाउँपालिकाका ९ र तानसेन नगरपालिकाका २१ जना रहेका छन् । 

जिल्लामा ६ जनामा कोरोना संक्रमण पुष्टि भएको स्वास्थ्य कार्यालय पाल्पाका सूचना अधिकारी ओमप्रकाश पन्थीले जानकारी दिनुभयो । 

हाल जिल्लामा सक्रिय सङ्क्रमितको सङ्ख्या ३ सय ६२ रहेको छ भने कोरोना सङ्क्रमणकै कारण जिल्लामा २ सय १५ जनाको ज्यान गइसकेको छ ।