ट्याक्टर अनियन्त्रित भई पल्टिँदा सिराहामा एक युवकको मृत्यु

लहान  । सिराहामा ट्याक्टर अनियन्त्रित  भई पल्टिँदा एक युवकको मृत्यु भएको छ । 

ट्याक्टर अनियन्त्रित भई पल्टिँदा  आज सिराहाको गोल बजार नगरपालिका –५ का ३० वर्षीय अरुण यादवको मृत्यु हो ।

मृतक यादव ट्याक्टरमा कामदारको रुपमा कार्य गरिरहेको बुझिएको  छ । साउनदेखि भदौ मसान्तसम्म खोला बन्द हुने भएकाले रातको करिब २:०० बजेको समयमा बालुवा चोर्न गएको बेला ट्याक्टर अनियन्त्रित भई पल्टिएको हुनसक्ने प्रहरीको अनुमान छ । 

नम्बर नबुझिने दुर्घटना ग्रस्त ट्याक्टरका चालक अर्जुन मुखिया र ट्याक्टर धनी दिनेश यादव फरार रहेको प्रहरीले जनाएको छ । 
धनगढीमाई नगरपालिका – ७ गागनखोला नजिक बिहान  पल्टिएको ट्याक्टर स्थानीयहरूले देखेपछि प्रहरीलाई खबर गरेको थिए ।
यादवको शव पोष्टमार्टमका लागि लहान अस्पतालमा राखिएको छ भने  घटनाबारे थप अनुसन्धान भइरहेको प्रहरीले जनाएको छ ।