बाढी पीडितको अवस्था बुझ्न प्रधानमन्त्री ओली सिन्धुपाल्चोक जाँदै

सिन्धुपाल्चोक । प्रधानमन्त्री केपी शर्मा ओली आज मेलम्ची क्षेत्रको बाढी पहिरो को स्थलगत निरीक्षणको लागि सिन्धुपाल्चोक जाँदै हुनुहुन्छ  ।हेलम्बु र मेलम्चीका बाढी पीडितको अवस्था बुझ्न प्रधानमन्त्री ओली नेपाली सेनाको हेलिकप्टरमार्फत सिन्धुपाल्चोक जान लाग्नुभएको हो ।

प्रधानमन्त्रीले पहिला हेलम्बु र त्यसपछि मेलम्चीको निरीक्षण गर्नुहुने  कार्यक्रम रहेको सिन्धुपाल्चोकका प्रमुख जिल्ला अधिकार अरुण पोखरेलले जानकारी दिनुभयो। प्रधानमन्त्री ओलीले आजै बाढीबाट क्षति पु¥याएको मेलम्ची खानेपानी आयोजना लगायत सिन्धुपाल्चोकका विभिन्न ठाउँ र बस्तीको निरीक्षण गर्नु हुनेछ ।

हेलम्बुको गणेश बगरमा पीडितहरूसँग भेटघाट गर्ने र अहिलेसम्मको राहत र उद्धारको बारेमा सहायक प्रमुख जिल्ला अधिकारी बाबुराम पोखरेलले प्रम ओलीलाई जानकारी गराउनु हुनेछ। मेलम्चीमा भने प्रमुख जिल्ला अधिकारी अरुण पोखरेलले जानकारी गराउने कार्यक्रम रहेको छ।