निषेधाज्ञाको पहिले दिन काठमाडौँ उपत्यकाको जनजीवन शान्त

काठमाडौँ । निषेधाज्ञाको पहिले दिन काठमाडौँ उपत्यकाको जनजीवन शान्त देखिएको छ ।

निषेधाज्ञाको पालना गराउन प्रहरीले सुरक्षा चेकजाँचलाई कडाइ गरेसँगै सडक सुनसान हुनुका साथै मानिसहरूको आवतजावत पनि कमी देखिएको छ ।

उपत्यका ट्राफिक प्रहरी प्रवक्ता श्याम कृष्ण अधिकारीले निषेधाज्ञाको उल्लङ्घन गर्ने १ हजार ५ सय सवारी नियन्त्रणमा लिइएको र अनावश्यक रुपमा, घरबाहिर निस्कनेहरूलाई फर्काउने गरिएको जानकारी दिनुभयो ।

उपत्यकाका विभिन्न स्थानहरूमा प्रहरी चेकजाँच बढाइएको पनि प्रवक्ता अधिकारीले बताउनुभयो ।

निर्धारित समयभन्दा अरू समयमा घरबाट बाहिर ननिस्कन प्रहरीले सर्वसाधारणलाई आग्रह समेत गरेको छ ।