डेब्यु खेलमै लामिछानेले लिए २ विकेट

काठमाडौं । विग बास लिग क्रिकेटमा होर्वट हुरिकेन्सबाट डेब्यु गरेका नेपाली क्रिकेटर सन्दीप लामिछानेले डेब्यु खेलमै २ विकेट लिएका छन् ।

शनिबार भएको खेलमा चार ओभर बलिङ गरेका सन्दीपले ३८ रन खर्चिएर २ विकेट लिएका हुन ।

सन्दीपको सुखद डेब्युसंगै उनको टिम होर्बटले मेलबर्न स्र्टासलाई २१ रनले हराएको छ ।

मेलबर्नबाट पहिले ब्याटिङको निम्तो पाएको सन्दीपको टिम होर्बटले निर्धारित २० ओभरमा ५ विकेट गुमाउँदै १ सय ६४ रन बनाएको थियो ।

१ सय ६५ रनको लक्ष्य पाएर जवाफी व्याटिङ गरको मेलबर्न निर्धारित ओभरमा ९ विकेट गुमाउदैं १ सय ४३ रनमा समेटियो ।

मेलबर्नका ग्लेन म्यासवेलले ७० रन अन्य ब्याट्सम्यानको खराब प्रर्दशनका कारण जितका लागि पर्याप्त हुन सकेन ।

होर्बटका लागि डेभिड मालनले सर्वाधिक ७५ रन बनाए भने बेन डेरमोटले ३१ रन बनाउँदा कोलिन इंग्रामले २६ रन जोडे ।

मंगलबार सन्दीपको टिम होर्बटले मेलबर्न स्र्टाससंगै प्रतिस्पर्धा गर्नेछ ।