तपाईँ सुन्दै हुनुहुन्छः

भारत ‘ए’द्वारा नेपालसामु ३३३ रनको लक्ष्य प्रस्तुत

काठमाडौँ । एसिया कप राइजिङ स्टार्स प्रतियोगिताअन्तर्गत आज भारत ‘ए’ ले नेपाललाई जितका लागि ३३३ रनको लक्ष्य दिएको छ । कतारको दोहास्थित वेस्ट इन्ड पार्क इन्टरनेसनल क्रिकेट मैदानमा जारी खेलमा टस हारेर पहिला ब्याटिङको निम्तो पाएको भारत ‘ए’ले निर्धारित ५० ओभरमा नौ विकेट गुमाउँदै ३३२ रनको योगफल बनाएको हो ।

भारतका लागि कुमार कुशाग्र र कप्तान तिलक वर्माले शतकीय इनिङ खेले । कुमारले १०२ बलमा १० चौका र ५ छक्काको मद्दतले ११७ रन बनाए । त्यस्तै तिलकले ११३ बलमा ६ चौका र ४ छक्कासहित १०७ रन जोडे । सूर्यांश शेडगेले १४ बलमा अविजित ३६ रन बनाए भने वैभव सूर्यवंशीले २६, अभिषेक शर्माले ९ तथा रिंकु सिंहले समान ९ रन बनाए ।

नेपालका लागि ललित राजवंशी र सन्दीप लामिछानेले समान ३र३ विकेट लिए । नन्दन यादवले २ तथा पवन सर्राफले १ विकेट हात पारे । नेपाल अहिले जवाफी ब्याटिङमा उत्रेको छ । रासस

प्रतिक्रिया राख्नुहोस्

Back to top button