कास्कीमा ६२ प्रतिशत मत खस्यो
कास्की । कास्कीमा आज सम्पन्न प्रतिनिधिसभा सदस्य निर्वाचनमा करिब ६२ प्रतिशत मत खसेको छ ।
जिल्ला निर्वाचन कार्यालयका अनुसार अनुमानित ६२ प्रतिशत मत खसेको हो ।
यकिन विवरण आउन केही समय लाग्ने निर्वाचन कार्यालयले जनाएको छ । ३ वटा निर्वाचन क्षेत्र रहेको कास्कीमा ३ लाख ८ हजार मतदाता कायम रहेका छन् ।
कार्यालयका सूचना अधिकारी रुद्र न्यौपानेका अनुसार, “एकिन विवरण आउन केही समय लाग्छ ।” कास्कीमा कुल ३ लाख ८ हजार मतदाता रहेका छन् ।
बिहानैदेखि शान्तिपूर्ण रुपमा मतदान सम्पन्न भएको छ ।
कास्कीमा ३ वटा निर्वाचन क्षेत्रमा १८ दलका ४९ जना चुनावी मैदानमा उम्मेदवार हुनुहुन्छ ।
कास्कीमा १ सय ५३ मतदानस्थलमा रहेका थिए । अहिले मत पेटिकामा लाहाचाप लगाउने र मतगणना स्थलमा मत पेटीका ल्याउने काम भइरहेको छ ।
प्रतिक्रिया राख्नुहोस्