मुगु–कालिकोट कर्णाली राजमार्ग सुधारको काम अघि बढ्यो

मुगु । कर्णाली राजमार्गमा सडक सुधारको काम निरन्तर अगाडि बढिरहेको छ। पहिलो चरणमा वर्षौँदेखि राजमार्गमा अवरोध सिर्जना गर्दै आएका ठूला र भीमकाय ढुङ्गाहरू हटाउने कार्य सुरु गरिएको छ। 

सडक डिभिजन कार्यालय जुम्लाका प्रमुख श्रवण कुमार महताराले सडकको सौन्दर्य र सुरक्षित आवागमनको दृष्टिले यो कार्य महत्त्वपूर्ण भएको जानकारी दिनुभयो।

सडक सुधारले सवारी सहजता बढाउने र दुर्घटना जोखिम कम गर्ने अपेक्षा गरिएको छ। हाल मुगुको गमगढीदेखि कालिकोटको नाक्मसम्म सडक सुधारको काम भइरहेको छ। 

हिमपातका कारण केही दिन रोकिएको काम अहिले मौसम सुधारसँगै पुनः जारी भएको छ।