तपाईँ सुन्दै हुनुहुन्छः

भिरबाट खसेको ढुङ्गा लागेर दुईको मृत्यु

अछाम । भिरबाट खसेको ढुङ्गा लागेर अछाममा दुई जनाको मृत्यु भएको छ।

गएराति परेको अविरल बर्षाका कारण जिल्लाको पञ्चदेवल विनायक नगरपालिका वडा नं ८ वारला चुरेखुलिमा माथिबाट ढुङ्गा खस्दा लागेर दुई जनाको मृत्यु एक जना घाइते भएका छन् ।

मृत्यु हुनेमा स्थानीय अन्दाजी ३५ बर्षिया निम खनाल र मङ्गलसेन नगरपालिका ६ तेसिंगेका ७ बर्षिया बालिका कविता भण्डारी रहेका छन् ।यस्तै ढुङ्गा लागेर सँगै रहेकी मंगलसैन नगरपालिका ६ कि रत्नकला भण्डारी घाइते भएकी अछाम प्रहरीले जनाएको छ।

मृतक बालिका घाइते मंगलसैन नगरपालिका ६ कि रत्नकला भण्डारीकी छोरी हुन । निम खनाल घर नजिकै अन्दाजी ५० मिटर टाढा खेतबारीमा त्रिपाल टाँगी सुतिरहेको अवस्थामा टहरा भन्दा माथि भीरबाट ढुङ्गा खसेको थियो । घाइते रत्ना भण्डारीको टाउकोमा चोट लागेको र अवस्था गम्भीर उपचारको लागि स्थानीय स्वास्थ्य चौकी बारला पठाइएको अछाम प्रहरीले जनाएको छ ।

प्रतिक्रिया राख्नुहोस्

Back to top button