प्रतिनिधिसभाको बैठक सर्‍यो

काठमाडौँ । सङ्घीय संसद् प्रतिनिधिसभाको आजको बैठक ५ः३० बजेपछि बस्ने गरी सरेको छ ।

संसद् सचिवालयकाअनुसार विशेष कारणले निर्धारित समयमा बस्न नसकेपछि बैठक सारिएको हो । बैठक आज दिउँसो ३ बजेका लागि बोलाइएको थियो ।

भिजिट भिसा प्रकरणको विषय उठाएर छानबिन समितिको माग गर्दै प्रतिपक्षी दलहरू नेपाल कम्युनिष्ट पार्टी (माओवादी केन्द्र), राष्ट्रिय स्वतन्त्र पार्टी (रास्वपा), नेकपा एकीकृत समाजवादीलगायतले प्रतिनिधिसभा बैठक अवरुद्ध गर्दै आएका छन् । 

प्रतिपक्षी दलहरूको विरोधकै कारण संसद् दुई सातादेखि बस्न सकेको छैन ।