लोकतन्त्रमाथि षड्यन्त्र भइरहेको : अध्यक्ष प्रचण्ड

नेपालगन्ज । नेकपा माओवादी केन्द्रका अध्यक्ष एवम् पूर्व प्रधानमन्त्री पुष्पकमल दाहाल प्रचण्डले लोकतन्त्रमाथि प्रतिक्रियावादी षड्यन्त्र भइरहेको बताउनुभएको छ । 

प्रेस सेन्टर नेपाल बाँकेले आज नेपालगन्जमा आयोजना गरेको पत्रकार सम्मेलनमा अध्यक्ष प्रचण्डले लोकतन्त्रमाथि आक्रमणको कोसिस भए पनि प्रमुख दलहरू सबै गणतन्त्रप्रति प्रतिबद्ध रहेकोले विद्यमान व्यवस्थालाई अझ सुदृढ र समृद्ध बनाउँदै लैजानुपर्ने बताउनुभयो । उहाँले चैत १५ गते गणतन्त्रवादी र राजावादीहरू आमनेसामने भएको प्रसङ्ग निकाल्दै उक्त प्रदर्शनमा राजावादीहरूको चरित्र उदाङ्गो भएको बताउनुभयो । 

अध्यक्ष प्रचण्डले सरकार सही ढंगले अगाडि बढ्न नसकेको टिप्पणी गर्दै जनभावनालाई ख्याल गर्न आग्रह गर्नुभयो । उहाँले संविधान संशोधनका लागि आफ्नो पार्टी तयार रहेको बताउँदै त्यसअघि संविधान जारी भएको दश वर्षे अवधिको समीक्षा गर्नुपर्ने बताउनुभयो ।