छठ पर्वमा पनि वीरगञ्जको सरिस्वा नदीको फोहोर सफा हुन सकेन 

पर्सा । उद्योगहरूको कारण प्रदूषणको चपेटामा परेको वीरगञ्जको सरिस्वा नदी छठ पर्वको पनि प्रदूषित नै देखिएको छ । 

हरेक बर्ष छठ पर्वको समयमा प्रदूषण रोकिएको भए पनि यस वर्षको छठ पर्वमा नदीको फोहोर अझै सफा हुन सकेको छैन । 

यसवर्ष चैती छठको पूर्व सन्ध्यासम्म पनि नदी सफा नहुँदा बर्तालुहरू फोहर, प्रदूषित र दुर्गन्धित पानीमा नै अर्घ दिन बाध्य हुने भएका छन् । फोहोर पानीमा नै छठ पर्वको पुजाअर्चना गर्न बाध्य हुँदा छठ बर्तालुहरू पनि निरास भएका छन् । 

नदी सरसफाइका लागि प्रदूषण नियन्त्रणको अभियानमा लागेकाहरूले खासै चासो दिएको देखिँदैन भने स्थानीय सरकारले पनि आफ्नो सक्रियता घटाएको छ ।