कृषि र पर्यटन प्रवर्द्धनका लागि बडिमालिका महोत्सव

बाजुरा । बाजुराको सदरमुकाम मार्तडीमा प्रथम बडीमालिका कृषि, पर्यटन तथा सांस्कृतिक महोत्सव सुरु भएको छ । बडीमालिका सामुदायिक विकास समाज बाजुराको आयोजनामा चैत्र २७ गतेसम्म सञ्चालन हुनेगरी प्रथम बडीमालिका महोत्सव सञ्चालन भएको हो ।

बाजुरामा अवस्थित धार्मिक तथा पर्यटकीय क्षेत्र बडीमालिकाको पर्यटन प्रवर्द्धन, रैथाने बालीको उत्पादन, प्रचार प्रसार र संरक्षण तथा स्थानीय कला संस्कृतिको जगेर्ना गर्ने उद्देश्यका साथ महोत्सवको आयोजना गरिएको बडीमालिका सामुदायिक विकास समाज बाजुराका अध्यक्ष अमर विकले बताउनुभयो । महोत्सवमा बडिमालिका लगायत जिल्लाका ऐतिहासिक धार्मिक तथा पर्यटकीय स्थलका फोटोहरू र रैथाने बालिबाट उत्पादित विभिन्न परिकारहरूको प्रदर्शनी गरिनुका साथै तिनीहरूको उपयोगिता बारे प्रचार प्रसार गरिने आयोजकले जनाएको छ।

महोत्सव अवधिभर राष्ट्रिय स्तरमा ख्याति प्राप्त कलाकारका साथै स्थानीय कलाकारहरूको बेजोड प्रस्तुति रहनेछ ।