अमेरिकाको वाशिङ्टन डीसीमा यात्रुवाहक विमान र हेलिकप्टर एकआपसमा ठोक्किएर दुर्घटना

 काठमाडौँ । अमेरिकाको  वासिङ्टन डिसीमा हेलिकप्टरसँग ठोक्किएर अमेरिकी एयरलाइन्सको एक विमान दुर्घटना भएको छ ।

स्थानीय समयानुसार बेलुकी ९ बजेतिर आकाशमै हेलिकप्टरसँग ठोकिएपछि अमेरिकन एअरलाइन्सको उक्त  विमान  वासिङ्टन  डीसीस्थित पोटोम्याक नदीमा खसेको थियो । चालक दलका सदस्यसहित ६४ यात्रु सवार उक्त विमान क्यान्सास राज्यको विचिटाबाट प्रस्थान गरेको थियो

विमान खसेको ठाउँमा खोजी र उद्धार अभियान जारी छ । एफएएका अनुसार विमान रेगन वासिङ्टन नेशनल एयरपोर्टको धावनमार्ग ३३ मा अवतरणका लागि जाँदै गर्दा उक्त घटना भएको हो ।

दुर्घटनामा परेको हेलिकप्टर अमेरिकी सेनाको ‘ब्ल्याक हक’ भएको र त्यसमा तीन सैनिक सवार रहेको एक अधिकारीले बिबिसीको अमेरिकी साझेदार सीबीएसलाई बताएका छन् । अहिले रेगन राष्ट्रिय विमानस्थलमा सबै उडान र अवतरण रोकिएको छ ।