बजारमा उषा गजुरेलको ‘कुटु कुटु’

काठमाडौँ । लोकप्रिय गायिका उषा गजुरेलको अफिसियल युट्युब च्यानल मार्फत मङ्गलवार ‘कुटु कुटु’ गीतको म्युजिक भिडियो सार्वजनिक भएको छ । पछिल्लो समय लोक तथा आधुनिक गीतमा निक्कै चर्चित गायिका उषा गजुरेलको यो म्युजिक भिडियो श्रोताहरूको लागि सातौँ उपहार हो ।

सम्राट दहाल र श्यामकुमार श्रेष्ठको लगानी रहेको ‘कुटु कुटु’ गीतमा उषा गजुरेलसँगै अर्का लोकप्रिय गायक राजु परियारको स्वर रहेको छ । दिनेश राज पुरीले लेखेको ‘कुटु कुटु’ गीतमा अर्जुन पोखरेलको सङ्गीत रहेको छ । 

‘कुटुकुटु कुटुकुटु’ म्युजिक भिडियोमा दिनेश राज पुरीको शब्द र अर्जुन पोखरेलको सङ्गीतसँग उषा गजुरेल र राजु परियारको स्वर जसरी जमेको छ, सुनिल क्षेत्री र एलिना रायमाझीको नृत्यले म्युजिक भिडियोलाई त्यसरी नै जीवन्त बनाएको छ ।

‘कुटु कुटु’ म्युजिक भिडियोमा प्रस्तुत सुनिल क्षेत्री र एलिना रायमाझीको नृत्यलाई सुनिल क्षेत्रीले नै निर्देशन गरेका छन् भने अभि वाग्लेको कोरियोग्राफी, अजय रेग्मीको छायाङ्कन तथा अमृत चापागाईँको सम्पादन रहेको छ । 

आफ्ना अरू गीतहरू जस्तै श्रोताहरूको लागि प्रस्तुत भएको सातौँ उपहार ‘कुटुकुटु कुटुकुटु’ पनि लोकप्रिय हुने कुरामा आफु आशावादी रहेको गायिका उषा गजुरेल बताउँछिन् ।