राष्ट्रिय क्रिकेटर शेर मल्ल पालिकाद्वारा सम्मानित

डोटी । डोटीको के आई. सिंह गाउँपालिकाले राष्ट्रिय क्रिकेटर खेलाडी सेर मल्ललाई सम्मान गरेको छ ।

पालिका स्तरीय छैटौँ तथा १५ ओैँ राष्ट्रपति रनिङ शिल्ड प्रतियोगिताको उद्घाटन समारोहमा मल्ललाई गाउँपालिकाले नगद रू १ लाख ३१ हजार २ सय ५० रुपैयाँ सहित सम्मान गरेको हो ।

एनपिएल क्रिकेटमा जनकपुर बोल्डसका तर्फबाट उत्कृष्ट प्रदर्शन गरेको मल्ललाई सम्मान गरिएको गाउँपालिकाले जनाएको छ ।

सम्मानित मल्लले खुसी व्यक्त गर्दै विद्यार्थीहरूले पढाइसँगै खेल क्षेत्रलाई पनि अगाडि लिएर जानुपर्ने बताउनुभयो । साथै उनले रनिङ सिल्डमा सहभागी खेलाडीलाई अनुशासित भएर अगाडि बढ्न सुझाव दिनुभयो ।