हेटौँडाबाट १ सय ११ किलो लागुऔषध गाँजासहित एक जना पक्राउ

मकवानपुर । मकवानपुर प्रहरीले १११ किलो लागुऔषध गाँजासहित एक जनालाई पक्राउ गरेको छ ।पूर्वपश्चिम राजमार्ग अन्तर्गत हेटौँडा-१५ रातमाटेबाट लागुऔषध गाँजसहित एक जनालाई पक्राउ गरिएको जिल्ला प्रहरी कार्यालय मकवानपुरले जनाएको छ ।

मंगलबार बिहान हेटौँडाबाट बाराको निजगढतर्फ जाँदै गरेको बा ७ च २५१० नम्बरको पिकअप गाडीमा लुकाई छिपाई लाँदै गरेको अवस्थामा रातमाटेबाट १ सय ११ किलो लागुऔषध गाँजासहित पिकअप चालक मकवानपुरको कैलाश गाउँपालिका २ डाडाखर्क बस्ने ३४ वर्षीय रावल स्याङ्बोलाई नियन्त्रणमा लिइएको जिल्ला प्रहरी कार्यालय मकवानपुरका प्रहरी नायब उपरीक्षक श्यामु अर्यालले जानकारी दिनुभयो । 

प्रहरीले नियन्त्रणमा लिइएको स्याङ्बो माथी थप अनुसन्धान भइरहेको जनाएको छ ।