नेकपा एमाले केन्द्रीय कमिटी बैठक सुरु
ललितपुर । नेपाल कम्युनिष्ट पार्टी एमाले केन्द्रीय कमिटीको बैठक पार्टी केन्द्रीय कार्यालय च्यासलमा सुरु भएको छ । बैठकमा नेकपा एमालेका अध्यक्ष एवं प्रधानमन्त्री केपी शर्मा ओलीले राष्ट्रिय राजनीतिक प्रतिवेदन प्रस्तुत गर्नु हुनेछ ।
आज र भोलि चल्ने बैठकमा अध्यक्ष ओलीले प्रस्तुत गर्नुभएको प्रतिवेदनसहित समसामयिक विषयमाथि प्रत्येक केन्द्रीय सदस्यले धारणा राख्न पाउने गरी समय छु्ट्टयाइएको एमाले प्रचार विभाग प्रमुख राजेन्द्र गौतमले जानकारी दिनुभयो ।
राजनीतिक प्रतिवेदनमा आगामी कार्ययोजना, पार्टी सङ्गठन सुदृढीकरण, वर्तमान सरकार गठन, यसअघिका सरकारमा साझेदारी, सरकारका प्राथमिकता, संविधान संशोधन, आर्थिक सुधार, सहकारीलगायत विषयमा पनि छलफल हुनेछ ।
अध्यक्ष केपी शर्मा ओलीद्वारा प्रस्तुत राजनीतिक प्रतिवेदनको पूर्ण पाठ
प्रतिक्रिया राख्नुहोस्