नेपाल पत्रकार महासङ्घ बर्दिया शाखाको अध्यक्षमा घिमिरे निर्वाचित

बाँके । नेपाल पत्रकार महासङ्घ बर्दिया शाखाको शुक्रवार सम्पन्न निर्वाचनबाट अध्यक्ष पदमा निर्मल घिमिरे विजयी हुनुभएको छ। घिमिरेले निकटतम प्रतिस्पर्धी सन्तोष पौडेललाई १७ मतको अन्तरले पराजित गर्दै ३६ मत प्राप्त गर्नुभएको निर्वाचन अधिकृत कमल पन्थीले जानकारी दिनुभयो। पौडेलले १९ मत मात्र प्राप्त गर्नुभयो।

निर्वाचनमा उपाध्यक्ष पदमा पुष्पा चौधरी, सचिव पदमा यज्ञप्रसाद सापकोटा, र कोषाध्यक्षमा हरि गुरुङ विजयी हुनुभएको छ। सचिव पदका प्रतिस्पर्धी केशव कोइरालाले ५ मत प्राप्त गर्नुभएको थियो भने कोषाध्यक्ष पदका प्रतिस्पर्धी मीन अधिकारीले १७ मत प्राप्त गर्नुभएको छ।

निर्वाचनमा कुल ६२ मतदाता रहेकोमा ५५ मत खसेको थियो । अन्य पदमा भने सबै निर्विरोध निर्वाचित भएका छन्। उपाध्यक्षमा डिल प्रकाश गौतम, महिला उपाध्यक्षमा पुष्पा चौधरी, सहसचिवमा भिम उचै ठकुरी र सरम चौधरी निर्विरोध निर्वाचित हुनुभएको निर्वाचन समितिले जनाएको छ।

यस्तै महासङ्घ कार्यसमिति सदस्यहरु पनि सर्वसम्मत चयन भएका छन्। निर्वाचनको शान्तिपूर्ण वातावरणमा सम्पन्न भएको पन्थीले जानकारी दिनुभयो। यो निर्वाचनले नयाँ नेतृत्व चयनसँगै महासङ्घको गतिविधि थप प्रभावकारी बनाउने विश्वास लिइएको छ।