नेपाल पत्रकार महासंघ रेडियो नेपाल शाखा प्रतिष्ठानको कार्यसमिति निर्विरोध निर्वाचित

मङ्सिर । नेपाल पत्रकार महासंघ रेडियो नेपाल शाखा प्रतिष्ठानको कार्यसमिति निर्विरोध निर्वाचित भएको छ । प्रतिष्ठानको आज भएको मनोनयनमा सबै पदमा एकल उम्मेदवारी परेसँगै कार्यसमिति नै निर्विरोध निर्वाचित भएको हो ।

प्रतिष्ठानको अध्यक्षमा भुषण कुमार पोखरेल, उपाध्यक्षमा चन्दा विष्ट अधिकारी, महिला उपाध्यक्षमा सरिता खनाल, सचिवमा अर्जुन सापकोटा, सहसचिवमा सुमन बस्नेत, समावेशी सहसचिवमा वेग बहादुर पुलामी र कोषाध्यक्षमा रमाकुमारी पराजुली निर्विरोध निर्वाचित हुनुभएको मुख्य निर्वाचन अधिकृत पियुष कुमार श्रेष्ठले जानकारी दिनुभयाे ।

त्यसैगरी खुला सदस्यहरूमा मोअल्लिम अन्सारी, मुकेशकुमार मिश्र, बलराम कोइराला, हेमन्त राज उप्रेती, महिला सदस्यमा राधिका ओझा, मधेशी सदस्यमा मनोजकुमार शाह र अन्य समावेशी सदस्यमा सितु मानन्धर निर्विरोध हुनुभएको छ ।

यस्तै केन्द्रिय परिषद् सदस्यमा गोकर्ण रेग्मी र किरण अर्याल, प्रदेश परिषद् सदस्यमा रमिता यादव रहनुभएको छ ।