स्थानीय तह उपनिर्वाचनका लागि मतदान जारी

बाजुरा I बाजुराको स्वामिकार्तिक खापर गाउँपालिकाको उपाध्यक्ष पदका लागि भइरहेको  उपनिर्वाचनको मतदानमा तीन घण्टाको अवधिमा  हजार ४ सय मत  खसेको छ ।

बिहान ७ बजे देखि शान्तिपूर्ण रुपमा भइरहेको मतदानमा गाउँपालिकाका ५ ओटा वडाका ५ वटै मतदान स्थल र ९ ओटा मतदान केन्द्रमा १ हजार ४ सय  मत खसेको  मुख्य निर्वाचन अधिकृतको कार्यालयले जनाएको छ ।

कांग्रेसबाट निर्वाचित उपाध्यक्ष मैनादेवी जोशीको २०८० माघ ४ मा मृत्यु भएपछि स्वामिकार्तिक खापर गाउँपालिकामा उपनिर्वाचनका लागि मतदान भइरहेको हो । गाउँपालिकाको उपाध्यक्ष पदका लागि  नेकपा एमाले बाट सुलोचना भण्डारी बुढा, नेपाली काङ्ग्रेस  बाट पुल्तिसरा शाही र एकीकृत समाजवादी  बाट जवा शाहीको उम्मेदवारी रहेको छ ।

स्वामिकार्तिक खापर गाउँपालिकामा जम्मा मतदाता सङ्ख्या ७ हजार ४ सय ५८ रहेको छ ।