रुकुमपूर्वको पुथाउत्तरगंगामा मतदान सुरु

रुकुम पूर्व । रुकुमपूर्वको पुथाउत्तरगंगा गाउँपालिकाको उपनिर्वाचनमा मतदान सुरु भएको छ । नेकपा माओवादी केन्द्रकी गाउँपालिका उपाध्यक्ष पदका उम्मेदवार नरपुरा बुढा पुनले मतदान मतदान गरेपछि मतदान सुरु भएको हो । बिहान ७ बजेर २५ मिनेटमा नरपुरा बुढा पुनले वडा नम्बर १२ को पर्वत मावि कोलबाट मतदान गर्नुभएको छ ।

त्यस्तै एमाले र काँग्रेसका संयुक्त उम्मेदवार केशकुमारी तुलाचनले पनि वडा नम्बर ९ को खाराबाङबाट ७ बजेर ४१ मिनेटमा मतदान गर्नुभएको छ । पुथाउत्तरगंगा गाउँपालिकामा ११ हजार १ सय ८० मतदाता रहेका छन् । यस गाउँपालिकामा २२ वटा मतदान केन्द्र रहेको छ ।