नेपालगन्जमा राष्ट्रिय हाप्किडो च्याम्पियनसिप प्रतियोगिता हुने
नेपालगन्ज । नेपालगन्जमा राष्ट्रिय हाप्किडो च्याम्पियनसिप आयोजना हुने भएको छ । आगामी पौष १२–१३ गते नेपालगन्ज रङ्गशालामा दोस्रो प्रोफेसनल राष्ट्रिय हाप्किडो च्याम्पियनसिप आयोजना हुने भएको हो ।
बाँके जिल्ला हाप्किडो संघ र नेपाल हाप्किडो सङ्घको सहकार्यमा आयोजना हुने च्याम्पियनसिप विभिन्न हाप्किडो खेलाडीहरूको लागि एक महत्वपूर्ण प्लेटफर्म हुनेछ । जसले उनीहरूको क्षमता र हाप्किडोको व्यावसायिकता प्रदर्शन गर्न सक्ने अवसर प्राप्त गर्नेछन् ।
प्रतियोगितामा ७ प्रदेशका पुरुष र महिला खेलाडीहरूको प्रतिस्पर्धा हुने प्रतियोगिता संयोजक तथा नेपाल हाप्किडो संघका केन्द्रिय सदस्य मोहमद समिर हलुवाईले जानकारी दिनुभयो ।
आयोजकका अनुसार यस च्याम्पियनसिपमा उत्कृष्ट प्रदर्शन गर्ने खेलाडीहरूले मेडल र प्रमाणपत्र प्राप्त गर्नेछन् ।
प्रतिक्रिया राख्नुहोस्