सरकारले आशा जगाएर काम गरिरहेको छ : एमाले महासचिव पोखरेल

भक्तपुर । नेकपा एमालेका महासचिव शङ्कर पोखरेलले वर्तमान सरकारले मुलुकलाई आशा जगाएर देश बनाउने गरिरहेको बताउनुभएको छ ।

नेकपा एमाले सूर्य विनायक नगर कमिटीको दोस्रो अधिवेशनको उद्घाटन गर्दै महासचिव पोखरेलले राजनीतिक स्थायित्व नहुँदा देश विकासमा पछाडि धकेलिएको बताउनुभयो ।

पछिल्लो समय सामाजिक अराजकताका कारण देश कमजोर भएको बन्दै गएको उहाँको भनाइ थियो । जनताले नेकपा एमाले वा नेपाली काँग्रेसमध्ये एक दललाई पाँच वर्षसम्म एकल सरकार चलाउने गरि म्याण्डेड दिएर पठाउनुपर्ने उहाँले बताउनुभयो ।

कार्यक्रममा नेकपा एमाले स्थायी कमिटी सदस्य तथा बागमती प्रदेश कमिटी इन्चार्ज राजन भट्टराई, एमाले पोलिटव्यूरो सदस्य एवं भक्तपुर इन्चार्ज महेश बस्नेत, केन्द्रीय सदस्यहरु सोमप्रसाद मिश्र, निर्मल भट्टराई, एमाले जिल्ला अध्यक्ष बचन देउजा, एमाले जिल्ला उपाध्यक्ष एवं बागमती प्रदेशका स्वास्थ्य मन्त्री किरण थापा लगायतले एमालेको मिसन ०८४ अभियान सफल पार्न सबै नेता कार्यकर्ता एक भएर अगाडि बढ्नुपर्ने बताउनुभयो ।