होटल मिस्टिक माउन्टेन ग्रान्ड खुला जेटीआई जुनियर टेनिस प्रतियोगिता शनिबारदेखि हुने

काठमाडौँ । बागमती प्रदेश टेनिस सङ्घको आयोजनामा होटल मिस्टिक माउन्टेन ग्रान्ड खुला जेटीआई जुनियर टेनिस प्रतियोगिता शनिबारदेखि हुने भएको छ ।

प्रतियोगिताका १४ स्पर्धामा १ सय २७ खेलाडीको सहभागिता रहने टेनिसकी मुख्य प्रशिक्षक रेणुदेवी कोन्डाले जनाएकी छन् । यु–८, यु–९, यु–१०, यु–१२, यु–१४ र यु–१६ ब्वाइज/गर्ल्स सिंगल्स तथा ब्वाइज/गर्ल्स डबल्समा खेल हुनेछ ।

प्रतियोगिताको कुल पुरस्कार राशि १ लाख ११ हजार रुपैयाँ रहेको छ । नेपाल टेनिस सङ्घको प्राविधिक सहयोग तथा होटल मिस्टिक माउन्टेनको मुख्य प्रायोजनमा हुन लागेको प्रतियोगिताका खेलहरू सातदोबाटोस्थित टेनिस कम्प्लेक्समा हुनेछ । प्रतियोगिता मङ्सिर १ गतेसम्म चल्ने छ