बेपत्ता एक पुरुष तिन दिनपछि मृत फेला
बाँके । बुधबार डुडुवा खोलामा आएको बाढीमा दाउरा टिप्न गएका कोहलपुरका एक पुरुष बेपत्ता भएको तिन दिनपछि मृत अवश्थामा फेला परेका छन् ।
कोहलपुरको क्रिकेट मैदान नजिकैबाट बाढीले बगाएर ल्याएका दाउरा टिप्न गएका जुम्ला कनका सुन्दरी गाउँपालिका-७ घर भई हाल कोहलपुर-१० कालिकानगरका ६५ वर्षीय हरिबहादुर रोकाय बेपत्ता हुनुभएको थियो ।
बेपत्ता रोकायलाई मृत अवस्थामा डुडुवा खोलाको कोहलपुर-७ को झरकट्टी भन्ने ठाउँमा फेला पारिएको कोहलपुर नगर प्रहरी प्रमुख वीरबहादुर थापाले जानकारी दिनुभयो।
शवलाई पोस्टमार्टमका लागि भेरी अस्पताल नेपालगन्जमा पठाइएको इलाका प्रहरी कार्यालय कोहलपुरले जनाएको छ।
प्रतिक्रिया राख्नुहोस्