झापाका शिवालयमा भक्तजनको भीड, माईधाममा आजदेखि कनकाई आरती

भद्रपुर, झापा। यस वर्षको श्रावणी पर्व सुरु भएसँगै आज साउनको महिनाको पहिलो सोमबार आज विहानैैदेखि झापाका शिवालयहरूमा भक्तजनहरूको भीड लागेको छ ।

आज झापाको अर्जुनधाराको जलेश्वर धाम, माईधाम, शताक्षीधामलगायतका शिवालयहरूमा बिहानैदेखि पूजापाठ एवम् जल चढाउने भक्तजनहरूको भीड लागेको हो । कनकाईको माईधाममा आजदेखि कनकाई आरती समेत गरिँदै छ ।

साउन महिना र सोमबारको दिनलाई भगवान् शिवको विशेष महिना र बार मानिन्छ । त्यसैले साउनको पहिलो सोमबारका दिन देशभरका शिवालयमा भक्तजनको भीड लाग्दछ ।

झापाको अर्जुनधारा जलेश्वरधाममा भक्तजनलाई सुविधाका लागि विशेष व्यवस्था गरिएको धामका अध्यक्ष नवीन गट्टानीले जानकारी दिनुभयो । झापामा भक्तजनको सबैभन्दा बढी भीड अर्जुनधारा जलेश्वरधाममा लाग्ने गर्दछ भने स्नानका लागि कनकाई र्मामा भक्तजनहरूको भीड लाग्दछ ।

कनकाईमा आज साँदेखि सुरु हुने कनकाई आरतीको सबै तयारी पूरा भएको व्यवस्थापन समितिका अध्यक्ष शेरबहादुर थापाले जानकारी दिनु भयो ।