नदीमा डुबेर कैलालीमा दुई जनाको मृत्यु

टीकापुर कैलाली । नदीमा डुबेर कैलालीमा दुई बालबालिकाको मृत्यु भएको छ । 

आज दिउँसो साढे १ बजेतिर कैलारी गाउँपालिका वडा नम्बर ८ को लोहरपुर तेडी बाँधमा नुहाउने क्रममा बालबालिकाको मृत्यु भएको प्रहरीले जनाएको छ ।

नदीमा डुबेर गम्भीर अवस्थामा पुगेका ७ वर्षीय अमिल खड्का र १३ वर्षीया दुर्गा साउँदको मृत्यु भएको जिल्ला प्रहरी कार्यालयले जनाएको छ । 

खड्काको उद्धार गरेर उदासीपुर प्राथमिक स्वास्थ्य केन्द्रमा ल्याइएकोमा उपचारका क्रममा मृत्यु भएको हो साउँदको  थप उपचारका लागि सेती प्रादेशिक अस्पतालमा ल्याइएकोमा उनको पनि उपचारको क्रमममा मृत्यु भएको छ । 

दुवै जनाको शव परीक्षणका लागि सेती प्रादेशिक अस्पतालमा राखिएको प्रहरीले जनाएको छ ।