बालबिज्याईकर्ता सहित १ कैदिबन्दि एसइई परीक्षामा सहभागी

बाँके । आजदेखि सुरु भएको माध्यमिक शिक्षा परीक्षा एसइईमा बाँके जिल्लामा रहेका दुई वटा बाल सुधारगृहमा रहेका ४६ जना बालबिज्याईकर्ताहरु पनि सहभागी भएका छन् । बाँके जिल्लाको डुडुवा गाउँपालिकास्थित जयन्दु बाल सुधार गृह र नौबस्तास्थित बालसुधार गृहमा रहेका ४६ जना बालबिज्याईकर्ता यस पटकको एसइईमा सहभागी भएका छन् । 

बाँकेका प्रमुख जिल्ला अधिकारी श्रवण कुमार पोखरेलका अनुसार डुडुवाको जयन्दु बाल सुधारगृहबाट ३४ जना र नौबस्ता बाल सुधारगृहबाट १२ जना बालबन्दी गरेर ४६ जना परीक्षामा सहभागी भएका छन् । सोही प्रकारले नेपालगन्जस्थित बाँके कारगारबाट पनि एक कैदी बन्दीले समेत एसइई दिइरहेको प्रमुख जिल्ला अधिकारी पोखरेलले बताउनुभयो। 

उहाँका अनुसार परीक्षालाई मर्यादित तुल्याउन सुरक्षाकर्मीको रोहवरमा मात्र प्रश्न पत्र खोलिएको र बितरण भएको छ । परीक्षा अवधिभरि विद्यार्थी र निरीक्षकले मोबाइल प्रयोग गर्न पाउने छैनन् ।

लैङिक मैत्री ढङ्गबाट परीक्षा चेक जाँच हुने छ भने मर्यादा बिपरितका कार्य भएको सूचना पाइएमा प्रशासनद्वारा विशेष अनुगमन समेत हुने प्रजिअ पोखरेलले बताउनुभयो । बाँके जिल्लामा आजबाट ३४ वटा परीक्षा केन्द्र मार्फत ९ हजार सय ९३ परीक्षार्थीले परीक्षा दिंदैछन् ।यस्तै एसइई परीक्षामा समावेश भएका बालबिज्याईकर्ता लगायत जिल्लाका सम्पुर्ण विद्यार्थी भाईबहिनिहरुलाइ सफलताको शुभकामना दिँदै भयरहित वातावरणमा परीक्षा दिन अपिल समेत गर्नु भएको छ।