पैगम्वरको सम्झनामा शान्ति र्याली
विराटनगर I मुस्लिम समुदायको विशेष पर्व पैगम्वर हजरत मोहमद्ध जन्मदिनको अवसरमा विराटनगरमा आज मुस्लिम समुदायले धार्मिक सान्ती र्याली निकालेका छन् ।
विराटनगरको जतुवा स्थित गरिव नमाज जामेमस्जिद वाट निकालेको र्यालीले महानगरको विभिन्न भागको परिक्रमा गरेको थियो ।
सो अवसरमा विराटनगरको सरोचीया, भटाचौक,सोमवारे हाट, गुद्रीवजार, घोगापुल लगायतका जामेमस्जिदवाट बिहानै देखि र्याली निकालिएको मुस्लिम समुदायका युवा नेता वासीम आलमले बताउनुभयो ।
शान्तिको सन्देश दिने पैगम्वरको सम्झनामा देशमा शान्ति अमनचयन, सामाजिक तथा जातीय सद्भाव एकता कायम होस भन्दै मुस्लिम समुदायहरूले विभिन्न मस्जिदहरूमा प्रार्थना गर्दै यो पर्व मनाई रहेको आलमले बताउनुभयो ।
गरीव नमाज जामे मस्जिदका अध्यक्ष मोहमद्ध रुस्तमले पर्वको अवसरमा मुस्लिम समुदायले पैगम्वरको सम्झनामा बालबालिकालाई खानेकुरा ख्वाउने, मस्जिदहरूमा नमाज पढ्ने लगायत विभिन्न कार्यक्रम भइरहेको अध्यक्ष रुस्तमले बताउनुभयो । हरेक वर्ष विराटनगरमा आजको दिन मुस्लिम समुदायले पैगम्वरको सम्झनामा विभिन्न कार्यक्रम गर्दै आएका छन्।
प्रतिक्रिया राख्नुहोस्