नेकपा एकीकृत समाजवादीको केन्द्रिय कमिटी बैठक जारी, अध्यक्ष नेपालद्वारा राजनीतिक प्रतिवेदन पेस
काठमाडौँ I नेपाल कम्युनिस्ट पार्टी (एकीकृत समाजवादी)को केन्द्रीय कमिटीको छैठौ बैठक जारी छ ।
काठमाडौँमा आजदेखि सुरु भएको बैठकमा अध्यक्ष माधव कुमार नेपालले पार्टीको वैचारिक दृष्टिकोणसहितको राजनीतिक प्रतिवेदन पेस गर्नुभयो ।
अध्यक्ष नेपालले बैठकलाई सम्बोधन गर्नुहुँदै नेपालको राजनीतिमा आफ्नो पार्टीको विशेष भूमिका र महत्त्व रहेको र यो सबै नेता तथा कार्यकर्ताको प्रयास र सङ्घर्षबाट सफल भएको बताउनुभयो ।
उहाँले नेकपा एमालेबाट आफूहरूले गरेको विद्रोह जायज रहेको र यसलाई सबैले मनन गर्नुपर्ने उल्लेख गर्नुभयो ।
बैठकमा राजनीतिक परिस्थिति एवं घटनाक्रमका साथै सङ्गठनको पुनः गठन, पार्टीको भूमिकालाई सशक्त बनाउने विषयमा छलफल हुने पार्टी प्रवक्ता जगन्नाथ खतिवडाले जानकारी दिनुभयो ।
आजदेखि सुरु भएको बैठक भदौ ७ गतेसम्म चल्नेछ ।
अध्यक्ष माधवकुमार नेपालले पेश गर्नुभएको प्रतिवेदन
प्रतिक्रिया राख्नुहोस्