छुटाछुटै सडक दुर्घटनामा तीन जनाको मृत्यु

सप्तरी । सप्तरीमा भएको दुई छुट्टाछुट्टै सवारी दुर्घटनामा परी तीन जनाको मृत्यु भएको छ।

जिल्लाको कञ्चनरुप नगरपालिका-९ विष्णु मन्दिर नजिक पूर्व पश्चिम राजमार्गमा पश्चिमबाट पूर्वतर्फ आउँदै गरेको प्र २-०२-००१ च ०७४६ नंको बोलेरो पिकअप र पश्चिमबाट पूर्व जाँदै गरेको बा १८च ६६१७ नं को स्कारपियो एकआपसमा ठक्कर खाँदा एक महिलासहित दुई जनाको मृत्यु भएको प्रहरीले जनाएको छ ।

त्यसैगरी जिल्लाको हनुमाननगर कंकालिनी नगरपालिका-३ पोर्तहास्थित पूर्व पश्चिम राजमार्गमा पश्चिमबाट पूर्वतर्फ आउँदै गरेको जीजेआईओबीजी ८१३३ नं. को कारले ठक्कर दिँदा घाइते भएका ३५ वर्षीय पुरुषको भारदह अस्पताल उपचारको क्रममा मृत्यु भएको छ ।

ठक्कर दिने कार र चालक भारत सुपौल जिल्ला भिमनगरका ४९ वर्षीय राहुल सिंहलाई प्रहरी नियन्त्रणमा लिई अनुसन्धान भइरहेको जिल्ला प्रहरी कार्यालय सप्तरीका सूचना अधिकारी प्रहरी नायव उपरीक्षक नरेश कुमार सिंहले बताउनुभयो।