रुपन्देही १ मा एमालेका छविलाल विश्वकर्मा निर्वाचित

रुपन्देही । रुपन्देहीको क्षेत्र नम्बर १मा नेकपा एमालेका सचिव छविलाल विश्वकर्मा विजयी हुनुभएको छ ।

विश्वकर्मा दोश्रो पटक निर्वाचित हुनु भएको हो । उहाँले २४ हजार ८ सय ७२ मत प्राप्त गर्नुभयो ।

सत्ता गठबन्धनको समर्थनप्राप्त स्वतन्त्र उम्मेदवार घनश्याम भुसालले २१ हजार ३ सय ८ मत प्राप्त गर्नुभयो ।

एमालेबाट टिकट नपाएपछि भुसालले स्वतन्त्र उम्मेदवारी दिनुभएको थियो ।