देवकोटा जयन्तीको अवसरमा उहाँका रचना वाचन

काठमाडौँ । महाकवि लक्ष्मीप्रसाद देवकोटाको १ सय १४ औँ जन्मजयन्तीका अवसरमा नेपाल प्रज्ञा प्रतिष्ठानले आज देवकोटाको व्यक्तित्व चर्चा एवं उहाँका रचना वाचन कार्यक्रमको आयोजना गरेको छ ।

कार्यक्रममा नेपाल प्रज्ञा प्रतिष्ठानका निमित्त कुलपति डा.जगमान गुरुङले देवकोटा नेपाल भाषा साहित्यका बहुमुखी प्रतिभाका धनी व्यक्तित्व भएको बताउनुभयो ।

त्यसैगरी प्राज्ञ डा. देवी नेपालले देवकोटाको काव्य प्रवृत्तिका बारेमा चर्चा गर्नुभयो । 

कार्यक्रममा कविहरू  मन्जिला अनिल, रेजिना आपगाईँ, देवु लुइँटेल,  रामेश्वर राउत मातृदास र बलराम दाहालले देवकोटाका रचना वाचन गर्नुभयो ।