सल्यानमा पहिरोमा परी  एक जनाको मृत्यु 

सल्यान । सल्यानमा पहिरोमा  परी  एक जनाको मृत्यु  भएको  छ । जिल्लाको शारदा नगरपालिका  ८ मार्के ओर गाउँका  १४ वर्षीय अजय विकको पहिरोमा परी ज्यान गएको हो  ।

हिजो बेलुका पहिरोमा परी हराइरहेका विकको शव खोजतलास गर्ने क्रममा आज बिहान नेपाली सेनाले फेला पारेको हो । घरबाट नाउला बजार  जाँदै  गर्दा  बाटोमा आएको  पहिरोमा पुरिएर विकको मृत्यु  भएको  जिल्ला  प्रहरी  कार्यालय  सल्यानका सूचना  अधिकारी  सन्तोष  खनालले जानकारी  दिनु भयो । 

मृतक विकको शवलाई पोस्टमार्टमका लागि अहिले जिल्ला अस्पताल लगिएको छ ।