५० भन्दा बढी युक्रेनी युद्ध बन्दीको ज्यान जाने गरी भएको आक्रमणबारे अनुसन्धान गर्न सयुंक्त राष्ट्र संघ र रेड क्रसलाई युक्रेनको आह्वान
काठमाडौं । युक्रेनले रुसको कब्जामा रहेको डोनेस्क क्षेत्रमा ५० जना भन्दा बढी युक्रेनी युद्ध बन्दीको ज्यान जाने गरी भएको हवाई आक्रमणबारे अनुसन्धान गर्न सयुंक्त राष्ट्र संघ र रेड क्रस समक्ष आह्वान गरेको छ ।
घटना पछि अन्तर्राष्ट्रिय रेड क्रसले आक्रमण भएको कारागार पुगेर घाइतेलाई उपचार र स्थानान्तरण गर्न अनुमति खोजिरहेको बताएको छ ।
रुस र युक्रेनले त्यस आक्रमणका लागि एक अर्कालाई आरोप लगाइरहेको छन् ।
युक्रेनी राष्ट्रपति भ्लोदोमिर जेलेन्सकीले युक्रेनी युद्ध बन्दी माथिको आक्रमण सुनियोजित रुसी युद्ध अपराध भएको बताउनु भएको छ ।
रुसले भने उक्त घटना युक्रेनी रकेट आक्रमणबाट घटेको आरोप लगाएको छ ।
प्रतिक्रिया राख्नुहोस्