बसको ठक्करबाट तनहुँमा एक जनाको मृत्यु

तनहुँ । तनहुँको व्यास–११ सेरामा स्कुल बसको ठक्करबाट मोटरसाइकलमा सवार एक जनाको मृत्यु भएको छ भने अर्का एक जना घाइते भएका छन् । 

मृत्यु हुनेमा व्यास–११ का २३ वर्षीय विक्रम सुनार रहेको जिल्ला प्रहरी कार्यालय तनहुँका प्रहरी नायव उपरीक्षक युवराज खड्काले जानकारी दिनुभयो । 

मृतक सुनार मोटरसाइकलको पछाडि सवार थिए । 

मोटरसाइकल चालक २२ वर्षीय सुजन सुनार भने घाइते भएको र उनको दमौली अस्पतालमा उपचार भइरहेको प्रहरीले जनाएको छ । 

ग१५प ६५०४ नम्बरको मोटरसाइकललाई ग१क २६८३ नम्बरको बसले ठक्कर दिँदा उक्त दुर्घटना भएको प्रहरीले जनाएको छ । 

मोटरसाइकललाई ठक्कर दिने बस माया युनिभर्स स्कुलको रहेको प्रहरीले जनाएको छ । बस सडकभन्दा केही तल पुगेको छ ।