काँग्रेसको केन्द्रीय कार्य समिति बैठक पार्टी कार्यालय सानेपामा जारी
काठमाडौँ । सत्तारुढ दल नेपाली काँग्रेसको केन्द्रीय कार्य समिति बैठक पार्टी कार्यालय सानेपामा जारी छ ।
बैठकमा स्थानीय तह निर्वाचनका विषयमा प्रस्तुत प्रतिवेदनमाथि छलफल सुरु भएको पार्टी प्रवक्ता प्रकाश शरण महतले जानकारी दिनुभयो ।
बैठकमा पार्टीका उपसभापति एवं स्थानीय तह निर्वाचन केन्द्रीय परिचालन समितिका संयोजक पूर्णबहादुर खड्काले स्थानीय तह निर्वाचन परिचालन केन्द्रीय समितिको प्रतिवेदन प्रस्तुत गर्नुभयो ।
यस्तै, बैठकमा भातृ तथा शुभेच्छुक संस्थाको विधान टुङ्गो लगाउने विषय तथा सरकारको काम कारबाहीको समेत समीक्षा हुने प्रवक्ता महतले बताउनुभयो ।
प्रतिक्रिया राख्नुहोस्