दुहबी नगरपालिकामा निर्वाचन अधिकृतको कार्यालय सञ्चालन 

सुनसरी  । सुनसरीको दुहबी नगरपालिका ४ स्थित रङ्गशालामा निर्वाचन अधिकृतको कार्यालय सञ्चालन भएको छ ।   
 निर्वाचन अधिकृत षड् कुमार पोखरेलले दुहबी नगरपालिकामा निर्वाचन अधिकृतको कार्यालय सञ्चालन भएका जानकारी दिनुभयो । 

दुहबी नगरपालिकाका कार्यकारी प्रमुख राजकुमार केसीले वैशाख ३० गते हुने स्थानीय तह निर्वाचनलाई केन्द्रित गरेर वैशाख ८ गते सबै पालिकामा निर्वाचन अधिकृतको कार्यालय सञ्चालन गर्ने निर्देशन अनुसार निर्वाचन अधिकृतको कार्यालय सञ्चालन गरिएको बताउनुभयो । 

सो अवसरमा इलाका प्रहरी कार्यालय दुहबी प्रहरी प्रमुख जयदेव माझीले निर्वाचनलाई शान्तिपूर्ण, धाँधलीरहित र भयमुक्त वातावरणमा सम्पन्न गर्नका लागि आफूहरू लागिपरेको र सबैको समन्वय, सहकार्य आवश्यक रहेको बताउनुभयो ।