चार देशीय टी–२० क्रिकेट शृंखलाः नेपालको विजयी सुरुवात

काठमाडौँ । नेपालले ओमानमा जारी चार देशीय टी–२० क्रिकेट शृङ्खलाको पहिलो खेलमा आयोजक ओमानलाई ६ विकेटले पराजित गरेको छ।

ओमानले दिएको १३६ रनको लक्ष्य पछ्याएको नेपाल १९.३ ओभरमा ४ विकेट गुमाउँदै लक्ष्य भेट्टाउन सफल भयो।

दीपेन्द्रले ५३ बलमा ८ चौका र १ छक्कासहित ७३ रनको अर्ध शतकीय पारी खेल्नुभएको थियो ।

अन्तिम ओभरमा नेपाललाई ९ रन आवश्यक रहेकोमा दीपेन्द्रको २ चौका र २ रनमार्फत् नेपाल विजयी भयो ।