रौतहट गहुँबालीमा महिलाको शव फेला

रौतहट । रौतहटको इशनाथ नगरपालिका वडा नम्बर ९ लौतना निवासी एक महिलाको शव फेला परेको छ । 

गाउँ नजिकै गहुँबाली घाटीमा शलले बेरेको अवस्थामा १९ बर्षीया चाँदनी खातुनको शव फेला परेको जिल्ला प्रहरी कार्यालय रौतहटले जनाएको छ । 

मृतक खातुनका परिवारले दिएको जानकारी अनुसार उनको ईशनाथ नगरपालिका–७ घिउरा निवासी २२ बर्षीय फैयादसँग विवाह बन्धनमा बाँधिए पनि उनी माइती घरमा बस्दै आएकी थिइन । 

माइती घरबाट उनकै श्रीमानले बोलाएर लगे पनि आज हत्या गरिएको अवस्थामा उनको शव भेटिएको छ  । 

जिल्ला प्रहरी कार्यालय रौतहटका प्रहरी उपरीक्षक विनोद घिमिरेले घटनाको अनुसन्धान भइरहेको बताउनुभयो । 

उनको श्रीमानको समेत प्रहरीले खोजी गरिरहेको छ । मृतकको शव पोष्टमार्टमको लागि गौर अस्पताल पुर्‍याइएको छ ।