पाल्पामा थप १ सय १० जनामा कोरोना सङ्क्रमण पुष्टि

पाल्पा  । पाल्पामा आज थप १ सय १० जनामा कोरोना सङ्क्रमण पुष्टि भएको छ । 

त्यस्तै पछिल्लो २४ घण्टामा जिल्लामा ५९ जना कोरोना सङ्क्रमित सङ्क्रमणमुक्त भएको स्वास्थ्य कार्यालय पाल्पाले जनाएको छ ।

योसँगै पाल्पामा सक्रिय सङ्क्रमितको सङ्ख्या ७ सय ४५ पुगेको छ । 

संक्रमित हुनेहरूमा माथागढी गाउँपालिकाका ६ जना, रामपुर नगरपालिकाका ८ जना, पूर्वखोलाका गाउँपालिकाका ९ जना, रैनादेबी छहरा गाउँपालिकाका ४ जना, रम्भा गाउँपालिकाका ५ जना, बगनासकाली गाउँपालिकाका ७ जना, रिब्दीकोट गाउँपालिकाका २ जना, निस्दी गाउँपालिकाका १ जना र तानसेन नगरपलिकाका ६८ जना रहेको स्वास्थ्य कार्यालयका सूचना अधिकारी कृष्ण पोखरेलले जानकारी दिनुभयो । 

संक्रमित हुनेहरूमा ५२ जना पुरुष र ५८ जना महिला रहेका छन् ।

संक्रमितहरु मध्ये १३ जना अस्पताल भर्ना भएका छन् भने ७ सय ३२ जना होम आइसोलेसनमा रहेका छन् । 
जिल्लामा कोरोना सङ्क्रमणकै कारण हालसम्म २ सय ६१ जनाको मृत्यु भइसकेको छ ।