भन्सार छली नेपाल भित्राइएका माछासहित पिक अप गाडी नियन्त्रणमा

बारा  । बारा प्रहरीले भन्सार छलीको माछासहित पिक अप गाडीलाई नियन्त्रणमा लिएको छ । 

जिल्ला प्रहरी कार्यालय बाराबाट खटिएको प्रहरी गस्ती टोलीले भारतबाट भन्सार छली नेपाल भित्राएका गाडीलाई फेटा गाउँपालिकाको छतवाबाट नियन्त्रणमा लिएको हो । 

बरामद मूल्य रू.३७ हजार ५ सय रुपैयाँ बराबरको ५ सय किलो माछा र माछा ओसार्न प्रयोग गरिएको बा४च ६०९१ नं.को पिकअपको नियन्त्रणमा लिइएको प्रहरीले जनाएको छ । 

नियन्त्रणमा लिइएको पिक अप गाडी र माछा आवश्यक कारबाहीको लागि भन्सार कार्यालय बीरगंजमा बुझाइएको बारा प्रहरी प्रवक्ता प्रहरी नायव उपरीक्षक राजेश थापाले जानकारी दिनुभयो ।