पाँचथरको फालेलुङमा आगलागी हुँदा तीन घर नष्ट
पाँचथर । पाँचथरको फालेलुङ गाउँपालिका ताङ्लेपामा आगलागी हुँदा तीन वटा घर जलेर नष्ट भएका छन् ।
फालेलुङ– ३ मा बुधवार बिहान भएको आगलागीमा पूर्ण बहादुर केरुङको तीन वटा घर जलेर नष्ट भएको हो ।
आगलागीमा सुन, चाँदी, खाद्यान्न, लत्ता कपडा र नगदसहित ५० लाख रुपैयाँ बराबरको क्षति भएको जिल्ला प्रहरी कार्यालय पाँचथरका सूचना अधिकारी डम्बर विश्वकर्माले जानकारी दिनुभयो ।
बुधवार बिहान करिब ६ः३० बजे सुरु भएको आगलागी इलाका प्रहरी चौकी मेमेङको प्रहरी टोली र स्थानीयहरूको सक्रियतामा १०ः०० बजे नियन्त्रणमा आएको थियो ।
बिजुली सट भएर आगलागी भएको हुनसक्ने स्थानीयले बताएका छन् ।
प्रतिक्रिया राख्नुहोस्