पदाधिकारी सहमतिमै टुङ्ग्याउने विषयमा छलफल गर्न माओवादी स्थायी समिति बैठक जारी
काठमाडौँ । नेकपा माओवादी केन्द्रको आठौँ महाधिवेशन चलिरहेकै बेला पार्टीको स्थायी समिति बैठक बसिरहेको छ ।
कमलादीस्थित प्रज्ञा भवनमा जारी आठौँ महाधिवेशनको बन्द सत्र चलिरहेका बेला स्थायी समिति बैठक पनि बसेको हो ।
बैठकमा अध्यक्ष पुष्पकमल दाहाल प्रचण्डको वैचारिक तथा राजनीतिक प्रतिवेदन र नेता देव गुरुङको विधान मस्यौदामाथि छलफल भइरहेको माओवादी केन्द्रका कार्यालय सचिव श्रीराम ढकालले जानकारी दिनुभयो ।
माओवादी केन्द्रको पदाधिकारी सहमतिमै टुङ्ग्याउने विषयमा छलफल गर्न स्थायी समिति बैठक बुझिएको छ ।
आइतबारबाट सुरु भएको आठौँ महाधिवेशनको बन्द सत्रमा सोमबार अध्यक्ष पुष्पकमल दाहाल प्रचण्डको वैचारिक तथा राजनीतिक प्रतिवेदन र नेता देव गुरुङको विधान मस्यौदामा २५ वटा समूहमा आज छलफल भइरहेको छ ।
समूहका नेताहरूले भोलि बुधवार निष्कर्ष प्रस्तुत गर्ने कार्यक्रम रहेको छ ।
पार्टीको जारी महाधिवेशनले पार्टीको आगामी कार्यदिशा तय गर्दै नेतृत्व चयन गर्नेछ । महाधिवेशनले बहुदलीय व्यवस्थामा जाने गरी १५ पदाधिकारीसहित २९९ केन्द्रीय कार्यसमिति समेत चयन गर्नेछ ।
प्रतिक्रिया राख्नुहोस्