पाँच दलीय सत्ता गठबन्धन आगामी निर्वाचनसम्म कायम रहन्छ : अध्यक्ष नेपाल
नेपालगञ्ज । नेकपा एकीकृत समाजवादी पार्टीका अध्यक्ष माधवकुमार नेपालले पाँच दलीय सत्ता गठबन्धन आगामी निर्वाचनसम्म कायमै रहने बताउनुभएको छ ।
समाजवादी प्रेस सङ्गठन नेपाल बाँके शाखाले आज बाँकेको कोहलपुरमा आयोजना गरेको पत्रकार सम्मेलनमा अध्यक्ष नेपालले आगामी निर्वाचनमा लोकतान्त्रिक वामपन्थी शक्तिलाई एकताबद्ध बनाएर लैजाने पक्षमा आफू रहेको बताउनुभयो ।
उहाँले एमसीसीको बारेमा कार्यदलले विस्तृत छलफल गरेपछि सत्ता गठबन्धनले थप निर्णय लिने बताउनुभयो ।
अध्यक्ष नेपालले नेपाली जनताको विश्वास जित्ने गरी आफूहरू अघि बढ्ने उल्लेख गर्नुभयो । प्रतिगमन आफ्नो पार्टीलाई कुनै हालतमा स्वीकार्य नहुने भन्दै उहाँले त्यसका विरुद्ध निरन्तर सङ्घर्ष भइरहने बताउनुभयो ।
प्रतिक्रिया राख्नुहोस्