श्रीमानले गरे श्रीमतीको हत्या
सुर्खेत । पूर्वी सुर्खेतको गुर्भाकोटमा आफ्नै श्रीमानले श्रीमतीको हत्या गरेका छन् ।
परपुरुषसँग लागेको आरोप लगाउँदै गुर्भाकोट नगरपालिका–१३, भक्तपुरका ७१ वर्षीय भीमबहादुर परियारले आज बिहान आफ्नी श्रीमती ६९ वर्षीया गौमाया परिवारको हत्या गरेको जिल्ला प्रहरी कार्यालय सुर्खेतले जनाएको छ ।
सुर्खेतका प्रहरी प्रमुख (एसपी) पदमबहादुर विष्टले हत्या आरोपित भीमबहादुरलाई पक्राउ गरी हत्यामा प्रयोग गरिएको लट्ठीसमेत नियन्त्रणमा लिएर आवश्यक अनुसन्धान सुरु भइसकेको बताउनुभयो ।
उहाँले प्रहरीको प्रारम्भिक अनुसन्धानमा भीमबहादुरले परपुरुषसँग सम्बन्ध राखेको भेटाएको झोकमा श्रीमतीको हत्या गरेको बताएको जानकारी दिनुभयो ।
६९ वर्षीया वृद्ध महिला कसरी परपुरुषसँग लाग्न सक्नुहुन्छ ? अहिले नै पीडकको यहीँ बयान मात्रै आधिकारिक मान्ने अवस्था नरहेकाले बाँकी कुरा अनुसन्धानबाटै खुल्ने उहाँको भनाई छ ।
प्रतिक्रिया राख्नुहोस्