राप्रपाको निर्वाचन कार्यक्रम शुक्रवारदेखि मात्र सुरु हुने
काठमाडौं । राष्ट्रिय प्रजातन्त्र पार्टी(राप्रपा)को निर्वाचन कार्यक्रम शुक्रवारदेखि मात्र सुरु हुने भएको छ ।
अन्तिम मतदाता नामावलीको टुङ्गो अझै नलागेकाले आज मतदाताको नामावलीको प्रकाशन गर्ने र भोलि शुक्रवार निर्वाचन कार्यक्रम सुरु गर्ने तयारी निर्वाचन समितिले गरेको राप्रपाको निर्वाचन समितिका सदस्य राजु बस्नेतले जानकारी दिनुभयो ।
यस्तै, राप्रपाको महाधिवेशनमा अध्यक्षमा उम्मेदवारी दर्ता शुल्क रु १ लाख तोकिएको छ ।
त्यस्तै, उपाध्यक्षका लागि ७५ हजार, महामन्त्रीका लागि ५० हजार र केन्द्रीय सदस्यका लागि १५ हजार रुपैयाँ शुल्क तोकिएको निर्वाचन समितिका सदस्य बस्नेतले जानकारी दिनुभयो ।
तीन जना अध्यक्ष रहेको राप्रपाको एकता महाधिवेशनले अब एकल अध्यक्ष चयन गर्नेछ ।
त्यस्तै, महाधिवेशनबाट १ महिलासहित ४ जना उपाध्यक्ष, १ महिलासहित ३ जना महामन्त्री र १ सय ४१ जना केन्द्रीय सदस्य चयन हुँदै छन् ।
प्रतिक्रिया राख्नुहोस्