बसको ठक्करबाट मोटरसाइकल चालकको मृत्यु
सिन्धुपाल्चोक । सिन्धुपाल्चोकबाट काभ्रे तर्फ जाँदै गरेको हेलम्बु यातायातको जन्तीबसले मोटरसाइकल चालकलाई ठक्कर दिँदा नुवाकोट घर भएका अन्दाजी २१ बर्षका बासु बस्नेतको मृत्यु भएको छ ।
सोमबार बिहान ८ बजे सिन्धुपाल्चोकको बाहुनेपाटीमा बा ४ छ ७७६६ नम्बरको बसले ०२०२० बा.प्र. २११४ नम्बरको मोटरसाइकललाई ठक्कर दिएको इलाका प्रहरी कार्यालय मेलम्चीले जनाएको छ।
बसको ठक्करबाट मृत्यु भएपछि स्थानीयले बसमा तोडफोड गरेका छन् । घटनास्थलमा प्रहरीले अनुसन्धान सुरु गरेको छ भने बसका चालक फरार भएका छन् ।
मृतक बस्नेत मेलम्चीमा रहेको मेरो फाइनान्स कम्पनीका कर्मचारी हुन् ।शव पोस्टमार्टमका लागि मेलम्ची ल्याउने तयारीभैरहेको प्रहरीले जनाएको छ।
प्रतिक्रिया राख्नुहोस्